يابني هاشم سلام ياقومي عد ماهلّت سماهـا

بني هاشم

سلام ياقومي عد ماهلّت سماهـا

وعد ما دار الفلك واستدار بمداره

 

ألاد هاشم كماة العز مـن كماهـا

قايدات الخيل للصفوف الصـداره

راميات الشّلوف محـدن رماهـا

هلي هل العز والشّرف والأمـاره

تاريخنا شمس ن محـدن جلاهـا

ودامسات الليالي تجليها نهـاره

في داجيات الليل يبـدي سناهـا

وفي باديات الصّبح تبدي بغـاره

هل الكيف والسّيف بمـدة يداهـا

تلمح نظرهم برق يطلق شـراره

تلهد كبود العدا وتشوي شواهـا

كل يوم ن لها بالعاليـات شـاره

حنّا كحل بالعين وحنّـا عماهـا

وحنّا هل البنـدق نـوزن زراره

حنّا كما السيـل نحيـي رعاهـا

وحنّا هل الـوادي نفنـي دمـاره

ضيوفنا بالعيـن تلقـى غطاهـا

وجارنا لـو جـار حنّـا وجـاره

نسخى العطيـة مانـدّور وراهـا

نمطر كرم ودخيلنا حنّـا وزاره

والردي له منّا مثلهـا وسواهـا

الطاق مطبوق ولا يعرف قـراره

يالايمي لاتعطي نفسـك هواهـا

في قروم ن قولها فعل شب نـاره

قومي ليوم الدين تعـرف غلاهـا

في قلب ن يعن الها لاقلت سـاره

وصلّوا على من تعلـى وعلاهـا

بعد من طاف بالبيت وصلى وزاره